Argument 爭吵

當你要去爭論的時候, 請退一步去諗一諗對呢件事有冇幫助

贏左一場你死我活的爭執, 其實你失去的更多...

爭論前,不妨諗下後果...
贏左, 大家的關係會變成點...係咪值得去爭吵?
輸左, 又係咪咁重要?

一個外人其實唔應該理太多...但我都頂唔順
知道大家各自覺得自己的方法/擁有的野係最好, 到最後結果呢? 兩敗俱傷...到頭黎又要講D好難聽的說話...
過左去就已經過去...再理論當初邊個岩, 邊個唔岩,有咩用? 逝去的唔會因為你地其中一個爭贏左就會番生...反而令大家的關係更差...值得咩?


重要的是, 而加呢一刻, 大家有咩方法解決? 防止同樣的事情再發生

買米

十二月出bonus的時候, 買左一個日本整的電飯煲, 決心要食得健康D!
最近都好努力維持到, 都發覺原來自己冇左米飯係唔得架...

中午的時候, 星期一少人出沒, 去左買米
由於係亞洲食品的關係, 米的價錢比較高....
左睇右睇....俾我搵到一包被其他貴米壓住的平米! 搬開之後就攞起左包米...見到好似比其他米白D...冇咩點為意...
急急腳去左俾錢, 因為想留番D時間食午餐...

揸車返去的途中覺得有D唔對路...
返到公司泊好車, 打開個車尾箱就見到.....

包米上面大大隻字寫住...

糯米

放工我又要去買米喇.....希望今次買得中啦....
#又上了一課了 #而家我有幾磅糯米 #煮食白痴要咁多糯米做乜

在美國過的新年

從我黎美國開始，都冇番過香港過新年⋯數數埋埋今年已經係第九年了⋯

我離城市比較遠，冇唐人街。美國都唔會好似香港咁有假放，所以我自己都請左一日假。嘻嘻

雖然冇咩節日氣氛，不過我都掛左d裝飾。

年三十應該會打邊爐 ：）

大老闆放了一個月大假

証明公司唔會話冇左邊個唔得⋯一切照常，準時返工。

開工

星期一返工了⋯超多野做，放假時又悶⋯人真係犯賤，哈哈

最近迷上了玩Euchre ，一個比較要用腦的啤牌遊戲，哈哈⋯

12月30日

今日要早起⋯ 9點20分要去到專科牙醫，我想箍牙⋯下排有少緊迫。睇下可唔可以整全透明果種牙套。

準時去到⋯個口俾人影完一輪，照埋x-ray。等見牙醫⋯

幸好，我d可以用透明果種，不過個價錢係5770美金⋯姐係大概4萬港幣，全包宴。為期18至24個月⋯

雖然公司每月有醫療，但牙保一蚊都唔包⋯ 睇黎我都係供埋架車先再算了⋯

12月29日

今日冇咩野好做⋯明日去見專科牙醫