打大風...

次次打風都冇我份的...
上次輕輕的來又輕輕的走...
今次..請都咁鬼慢!

食lunch的時候, 因為有電視...
一報天氣的時候, 大家都好似朝聖咁一齊望+"希望在今天"的眼神

大家都開始諗..到底黃昏的意思係指幾時...跟住又開始作出一點假設性的推斷...等等
其實天文台都幾慘..掛又俾人罵..唔掛又俾人罵~
唔講幾時掛都要俾人話兩句~
其實天文台台長係點減壓架呢...??

話說美國係冇呢家野..
打大風又唔係龍捲風, 佢睬你地都傻~
落雨落到狗咁都唔會理你....最多叫你留意下安全~~
除非停了電, 如果唔係都係乖乖咁做埋D野, 準時收工吧啦~

肥仔呀.......

由友人幫我影貓貓...

聽說....tiggy同友人的貓貓.....搶野食..
食到咁肥..又唔做運動, 又唔俾人影相..一影又發脾氣..好似而家咁~
不過一睇到佢個嬲樣好想笑呀...哈哈哈哈哈

BUDDY呢個多口怪冇變過.....係咁講野..



睇落咁似貓女咁嘰...=.=
BUDDY一食完野, 好開心就會跑跑跑...
未有飯開又會跑跑跑, 揾人俾野佢食...
學下你哥啦tiggy.....人地幾FIT~~!!

同場加映~~~友人的貓貓, Killer
佢負責守住佢最後的地盤...床
佢地兩個一上黎就會俾佢拍番落地

真係好惡的...我都有D驚左佢

但佢唔知點解...係咁咬手手腳腳同肚的毛....好多年都係咁...
抑鬱嘛??佢又唔似丫.......

發洩post....

好嬲呀!!一間大公司點會搞到咁亂架?
做個半月的summer intern姐~當我小角色呀??
如果我唔出聲咁係咪呢世都唔出糧俾我呀??
係唔係當個個都好有$呀??兩個月唔洗出糧都得呀??

你當我係咩呀??機械人呀??!! 機械人都要入油, 充電啦~~!!!!!
家下我唔係冇做野, 我冇做野, 一做野就錯....你唔出俾我, 我都冇野好講...
但而家唔係丫嘛!!!!

你冇糧出俾我就一早講啦!! 我當攞經驗係一D都唔會介意, 但而家會出糧又搞到咁亂..
邊會要我自己去跑, 去了解點樣先有糧出架!!
我自己可以做的事, 咁要你地HRO做咩呀???
人地問你, 你又話自己唔洗做野, 咩都唔關你事...唔洗做野咁你走得啦!!!

department head 又係咁...
明知個秘書只係代替幾個月, 好心你地就提下人啦...
又係唔問唔講...以為人地會好自然就會知點做咁.."回到三國"咩而家???!?!?!

你出唔到糧俾我, 我告上勞工都仲得呀!!!
contract白紙黑字寫明架!!!!

一早講左好多次, 我8月中會走架啦~
邊有人咁做野架???做完之後果一個月先出到俾我...
如果到時你出左check俾我...到時有人罵你上天花板再打你入地獄唔好怨人呀!!!!

都唔知有冇搞錯架!!!!!大公司喎......

errr........yeah....冇相

好耐好耐好耐都冇寫blog.....
真係懶到呢....

一月開學, 諗住讀少D會好D,
點知....仲忙過上學期!! 都唔知要多謝自己報少D好丫定係慶幸自己之前一次過讀左咁多...
四月尾果時....個個星期都要present....又要溫書考試..真係命都唔長..
每日番屋企就好似得番個殼咁..但見到tiger同buddy又覺得充滿精神!!! 貓貓的力量啊~~~~~~

覺得對唔住貓貓之餘...我仲要冇晒佢地D相....
事關我學人出左部S2....滿心以為放晒D相入SD card....但.....
新機一開..冇晒!!!
貓貓的相就係咁俾人洗晒.....(我自己就冇相係入面...唔知果個人會唔會覺得我部機其實係貓用)

就係咁...
我呢個暑假番左HK做暑期工+減壓
貓貓??佢地做左"太監"...因為要俾我朋友睇住, 而佢的貓女冇絕育
走前的兩個星期連人+貓貓一齊係佢果度住...
兩隻貓貓嘈到呢...24小時係咁叫....傷口又好番啦..都唔知叫咩..=.= (因為有用籠困住, 可能佢地超驚..又見到貓女)
叫到有一日tiger把聲都沙埋 (唔知洗唔洗俾粒喉糖佢含下呢~)
buddy就.....對街街好奇~日日食完野就會去發白日夢, 哈哈...

但原來絕育係咁..
我以為係兩個"波波"一野剪左跟住連埋.
但佢地兩個的傷口係..
波波個內膽冇左, 出面的skin仲係度, 又唔會連番, 就咁有個洞咁, 頭一兩日仲會出水......
好得人驚
咁唔會仲痛過一野剪架咩....??
.......................

講住咁多先...哈哈..
下次睇下我個朋友可唔可以幫我影下佢地~