RIP....
昨日開車返到家，見到最唔想見的事……
一隻大狗口中咬住一隻我地的貓仔……大狗不停的fing頭，要殺死貓仔……
討厭自己的恐懼，因為個隻大狗唔係第一次出現，上次佢以全速跑向我，我好驚……唔知佢係惡意定想玩……
如果，我早一步行出車，貓仔可能仲有一線生機……
一整日，我腦都係貓仔死前向我的求救……我咩都幫唔到佢，只可以安置貓仔係一個暖少少的環境下安息……
好憤怒，大狗係有人養的……點解唔好好的看管？傷心，貓仔都係好平靜咁午睡，誰知道…………
友人同我每家人查問，搵到識大狗主人的人，友人叫佢地傳話：如果呢隻大狗再出現係我地家的地方，he will be killed on site!
大狗的主人一定要負責！但要大狗死又好似唔好……雖然殺左貓仔，但如果大狗主人永遠都見唔返大狗，大家都同樣的傷心……
有如果下次大狗再出現，我願俾大狗咬，都要保住貓貓們的性命！

又一星期喇~~~~~~~

今星期...雖然老闆們都走左去開會, 但...工作量有增冇減.....
因為工作上仲有D野唔係好明, 所以呢幾星期都要走黎走去....腳痛得很, 又腫.....
真係痛到就算友人日日按摩加超熱水都唔掂...


今日去左shopping, 哈~!
睇到呢個~

試左, 好舒服!!行左好耐, 腳又痛喇, 咁岩就可以試下喇~~~

 間野開價500幾....有冇咁誇呀...加多一二百就可以買佢配的按摩椅喇......係...兩樣野係分開買的

算~!總有D平又好的!

返到家, 上網睇睇睇....揾到呢個....開價450....好貴....

去左做呢部機的果間公司網到睇睇, 嘩!!! 大減價!!!!!!! 同友人一人一半, 每人都係俾100...

超平仲要係同一隻.....免郵!!

結果?當然買左.....有諗過落訂買PS4....但腳的生命一定係重要過打機!!

____________________________________________________________

話說....星期五老闆問我有冇睇開american football...咁佢咁問到...我咪話耐唔耐都有睇下嘰~

點知佢話, 我有多兩張票, 你要唔要? 心諗, 去睇下, 同友人一齊去輕鬆下都好喎~

跟住佢又話, 開波前有tail gating....話如果去的話, 會話俾我聽佢地(兩位老闆)的位置, 一齊出發~

下~!!!!???星期六唔洗開工都要對老闆?! 雖然佢地真係好好人, 但............

最後都係同佢講, 我聽日原本plan左要去shopping, 可能下次先~

...其實係等我有返D心理準備先......

 ____________________________________________________________

 星期五放工, 返到家, 我老闆突然出email....話俾全世界知....有一個sales再唔會係我地公司的人, 即時生效!!果個地區會等到請返人先算!

嘩...好驚.......發生咩事??? 果個sales呢星期都有打黎問我幫佢揾份報價...佢都好好人丫....

到底發生咩事...?? 好想問下其他人, 因為想知, 如果係人為錯誤, 我都好警惕自己一下...但我又唔想咁八, 如果俾老闆聽到我問, 佢可能會唔開心.....

但我老闆一向都好好脾氣, 我個圖改完又改, 佢都好好心機咁話我知, 教我......

係佢個email睇到, 佢好似唔係好好心情...........

唔知星期一會點呢........好矛盾......問唔問好??

又一週了

由上星期五開始，好多野做呀。個前實習同我講星期五通常都冇咩野做，但我一點都唔覺得.…

都好嘰…公司信我，肯放手俾我搞事，哈哈

前幾日經過的，回家的路上

花花田，好靚架

星期四返工的路上，有彩虹呀！果少少係個建築物上面就係喇。

返工都唔錯丫，好多野做，好過坐係度呆…

Tiggy:你出糧就好買定貓糧喇，唔好要我餓親呀！

lunch time

明明放十二點的lunch，我到差唔多一點先食…
我知已經比起香港好好的了，但我真係好餓!!
下次可唔可以唔好就黎lunch 先話呢樣urgent ，果樣urgent 呀。
我食大過天架…哈哈

Work....is fun

It has been almost a month now...and I got three months probation !!!
very excited and worry....i hope i can get over that..also! successfully apply for work visa....
that are the two things on my wish list.

 

On my way back home from work....Flower field...so pretty!!!! 

終於搞掂喇！

由3號收到個file搞到而加，終於都搬好喇！

多謝大家的幫助！

所有的日記都搬左過黎喇，不過有d相的大細冇save到...要一個個咁check

改左flavorite icon..哈哈~係貓貓, 不過有點細....
blogpost 都可以搞好多野~雖然我唔多識...不過我友人識識地, 先可以搞到...

好想搞得令令地咁, 不過有難度!

搬Blog....

想搬番之前係yahoo的blog...但, 搬左好耐都唔成功...
其實係點架....import左, 要打驗證碼, 打完一陣就要再打過.....??
好混亂呀~~~

定係一個個咁搬過黎??但import的功能應該係可以一次過搬晒架喎....
每個日記都要打一次驗證碼, 咁人地寫左好耐果D咪有排搬?!

返工好累呀....

呢兩個星期返工都好累...明明冇咩野做, 冇點周圍行...
但一返到家就散晒咁....
一食完晚飯就睡魔急CALL.....唔洗3分鐘就訓著左...自己較左一小時後醒..點知一醒就係第二朝..(都有一早較定返工起身)

直到而家, 所有野都進行得唔錯~D人好好, 唔怕麻煩, 肯教我野~雖然我冇學得冇想像中咁快, 但係都好好架喇...我覺得...哈~!

其實.....我覺得返學仲累...因為D野係做足7日, 每日十幾廿個鐘..........
而家放左工就唔洗煩, 其實都要, 不過唔洗立即做~

我又好眼訓了...........................

Mystery Day

今日第一日正式自己工作....昨日係美國勞工日, 今日一早就見到個個桌頭電話都閃閃下....有留言....難怪嘰...係美國放假, 人地冇得放, 當然以為有人返工架~

一聽留言....前三分二都聽得明....最後, 最重要的野就聽唔到.....因為口音唔同...
打去問, 又話冇打過俾我地留言...下....咁邊個留言俾我地......(好驚之一)

之後八點左右send email.....明明check左幾次先send....大老闆打俾我話個客收唔到attachment....冇理由架......
再send過.....點知佢又打黎話, 有就有, 不過格式不一....開唔到
我之後check番sent.....明明岩架, 點解佢收就會唔同左?????
send第三次佢先話收到喇....果時都3:15...email...好奇怪... (好驚之二)

放工前的15分鐘.....有一個email......就黎話晒我地全部人....
明明佢地冇講清楚某月某日係收貨定送貨.... 就話我地搞亂佢時間表...send俾佢話confirm又一隻龜都冇覆過....
明明我同個實習上星期send左兩次圖俾佢....佢都要話收唔到....明明除了佢之外, 所有人都話見過個email幾次....加埋今日send左4次....再收唔到...真係唔知點....(好驚之三)
又話要我地負責, 又話要開電話會議.....得番10分鐘, 就算開到, 老闆都走左....你可以同邊個講呀...???

 不過...都有好事的...
上星期做的proposal,經sale講番, 個客決定跟我地買! 好開心唔係因為佢肯買, 係因為我覺得我終於做到D有用的野..!!!

另一間公司黎做presentation, 學左好多野~好開心呀! 好似比學校學的更快, 更有用...

Test post

Just testing out the attachments function on my phone

New Beginning

Since Yahoo blog will be closed...soon...this will be my new blog!
I know that I didn't post a lot, but I still want to keep all the previous blogs..
This Blogger has Apps for phone as well, I can now access to my blog very easily!
Now I do not have to plug my phone to connect to my PC, then look up where my photos went...then update them on Yahoo blog....ha~!
Much easier!!!

Soon I hope all my old posts will be transferred to here.

返工喇~!!

7月中::
呢兩個月好似痴左喇搵工...每日八點起物就係不停咁apply apply apply....一D回音都冇..
好想快D搵到工...係邊都好~..就係想要一份工.....


八月頭左右::
開始有公司搵我面試..好興奮!!等左咁耐, 終於有人覺得我係有面試的資格!!!
比較細的公司, 唔係做車的...
第一次面試, 覺得自己準備得唔夠好...好似有D失手.....見到最後, 竟然要我係30分鐘內做64題MC....(?)
話...如果MC高分先會有second in.....當時感覺.....好怪...最唔掂就係MC....點解見工要考試....仲要係物理題...好彩寶刀未老......

兩日後, 第二間打黎叫我去見~
今次冇MC...見下, 傾下~但佢要8月尾先覆到我......

果兩次之後, 自己好想入的汽車公司一D回覆都冇....工程師牌....感覺好遠.....
兩星期左右都冇其他回覆....諗緊...係咪應該要準備一下番香港的事....
結果, 捐了兩大袋衫....上網睇下機票幾$$...
同埋友人肯收留貓貓.....><

兩星期後的星期一~第一間見的公司打黎話聽日second in!!!
唔通個MC做得唔錯??我記得自己做錯左幾條....好似麻麻咋喎~...不過有得in當然去啦~!!!

今次見左5分鐘就俾左張野我.....上而寫住..."Project"....!!!!
一共兩PART.....做layout 同quoting...我用左兩個鐘...覺得好似耐左D....
做到見我果個出黎check下我...我做完之後, 佢同D客開緊會...佢老細叫我走先, 話下午仲有一個黎見, 一日左右就會通知....
二擇一....另一個係美國人......自己....應該都冇乜望, 不過比起兩間, 我自己鐘意呢間多D...

星期二見的...到星期五都冇回音...都知咩事啦.........唉~
自己同自己講, 可以去到second in, 仲要係二擇一! 已經好好喇~証明自己唔係冇料的!!!!!

8月19日.....有另一個加洲的公司搵我interview...要裝cam見工
3點見.......2:45分....我鐘意果間公司打黎!!!!話請我!!!!!send email叫我快覆!!
呢一刻....一陣果個都要見...但已經係輕鬆心態~~~~~~
結論係....呢間加洲的公司....
網上寫要工程畢業, 又話做電腦天, 不過到到interview...好似係同工程一D關係都冇...

我覺得, 應該係果個人唔take, 結果得番我.....不過, 我表姐話, 果個人有冇take都好, 而家已經係你的了~~
超開心~!!!!!
雖然呢間公司冇做過visa的經驗, 但佢話, 要做, 應該唔難~!!!!

呢幾個月, 好多公司打黎....一聽到係OPT, 又要VISA就話唔請.....
一個機會都冇....

雖然人工上冇我想像咁高, 但~!!!!經驗最重要!!
果日之後, 我鐘意果間汽車公司話搵我interview.......等左咁耐...好想好想去in!!!!!
但...請我果間雖然細細地但佢地想向全世界出發!! 好有潛能!!
最後係....佢地而家搵得我, 相信咁將來都會搵我!!!! 因為到時的我, 就會一個有經驗的工程師!!!

星期四返工, 主要係因為佢地個intern要返學, 我去接佢個位做長工, 要係呢一個半星期學晒...
三個月probation....好驚會做錯事.....

返左兩日,感覺良好, boss叫我做多D layout....
同事都好好人~!!!氣氛比香港的輕鬆十倍.......

今日得知, 公司會大修, 請多幾個~~

個intern下星期五走了....希望我搞得掂.........

L.A.

上星期去了L.A.
人生第一次啊~!!
個景好令....
D野..好貴!!

一個鐘的車...終於到了..影左15分鐘左右就走了...
真係辛苦晒~

又有感....(發洩一下, 發下UP風)

其實, 有好多事都唔係睇表面就可以做決定...
定人生死...

我多次壓力爆煲, 完全崩潰的時候....你又知幾多?
其實有更多的事不告訴你, 是因為事情未解決或是我根本不想你擔心..
但好多時換來的只有冷言冷語....但其實你又知幾多事實的真相?
你知的話, 又會覺得事情解決得未夠好, 問題是.......你又可以解決得到嗎?
每事都覺得唔夠好, 是的, 有改善是好, 做得好是應份...
但不代表要每事都挑...

做Project幾次通頂3晚...........................你知道嗎?
壓力大到頭痛, 食左幾樽止痛藥,  .........你知道嗎?
我肩膀頸的肌肉多年來都痛到訓唔到, 你知道嗎?
揾唔到工的壓力......................................你知道嗎?
我的努力..................................................你知道嗎?

發生了的事, 追究是要的, 但當務之急是否要想想解決方法?而不是一連炮的對我投訴別人如何做得不好?

我減壓的方法就是玩電話上的小遊戲, 你知道之後,
回應我的就是..我會不專心, 要刪除一切的遊戲...
我有好好的節制, 一直都沒有心散, 知道事有分輕重
但就係一句別人的話....連這小小的遊戲都要拿走...是的, 應你的要求, 我真的刪除所有的東西......

你告訴我知, 我不是美國公民的事要認命....沒工就是沒工...
我知, 我認我不是美國公民, 但我沒要認命
我不是公民但不代表我會揾唔到工...!

你滿心以為激將法對我好有效, 加壓對我有用...
可惜, 你只會加壓, 從來都沒為我減過壓

是你.......
 一句話就可以打沈我的, 你可又知道嗎?

教貓貓

友人教貓貓有一手
Tiggy仔初初到新地方, 要做大佬...係咁搞破壞, 打架, 當你冇到 我打又打過, 水又噴過...貓籠又困過.......
果時候個HOST話再搞佢唔掂, 就要Tiggy出街,
 但Tiggy放出同其他貓貓一齊, 佢一定捱唔過冬天, 又唔夠同其他貓打過, 佢又未學過唔可以出馬路.... Tiggy一定唔可以放出街!!

 最後友人幫我出手...幾小時後.....Tiggy突然轉性...乖乖的....再冇搞搞震
佢一出手...就馴服左Tiggy...之後問番佢搞過D乜
佢話:Tiggy而家要做大佬, 加上佢知你好蝦, 乜都會當你唱歌,
佢又話, 係貓貓世界, 邊個最好打就係大佬...就要俾佢睇下邊個先係大佬....一定唔可以讓步!
佢睇正Tiggy做壞事, 就的左佢入廁所關門, 用咕o臣掟左佢一獲勁!! 聽佢講番...佢話Tiggy當時好似蜘蛛俠咁..爬牆...
又嚇到Tiggy屎都標埋出黎..(真架...地下, 洗衣機頂都有...好臭)
跟住就好嚴肅咁問::WHO IS THE BOSS??
仲標緊屎的Tiggy::喵嗚~........
友人 ::ARE YOU GONNA BE GOOD BOY??
仲標緊少少的Tiggy:: 喵.........
Tiggy 微微地喵左佢兩句...就低頭.....友人都放佢出番去...

之後到現今, Tiggy就再冇搞搞震...除了佢想要野食或想你理下佢之外.....(Tiggy會扮爪SOFA...冇出爪)
教佢的過程真的好恐怖....但...之後見到出面原來貓貓BOSS都係咁樣教訓D貓仔
狂追九條街...仲恐怖過標屎

雖然而家耐唔耐都係打架...但冇再搞搞震, 冇搞破壞
見到我友人都冇標.....
仲會好俾面咁開心咕咕, 又嗲又成..

至於BUDDY...佢一直都好乖
冇搞搞震, 係耐唔耐會黎叫係開窗俾佢

加送的::(我就做唔到了...因為BUDDY唔多鐘意俾人抱住之類....係友人先俾面留低一下)
注::友人把聲唔係咁架..哈哈, 佢扮的

大雜燴~二

天堂~~~~~~

冬天的時候影的, 早上揸車返學的時候見到...真係好似係天堂揸車咁好grand呀~

--------------------------------------------------------------------------------------

四月我生日的時候, 去左Red Lobster....
結果, 龍蝦超唔好食....好似死左好耐咁
最OK都只係呢個甜品同個餐包

又貴, 兩個加埋食左USD70幾....食左一次之後, 我同友人打死都唔會再去...
對面間日本野仲平仲好味過佢好多!!

我生日後一日就係兩隻怪獸的生日~
整左愛心大餐~!!其實都只係CAN CAN加魚魚加零食....再加幾條草~

登登登~~~~變左呢盤.......好嘔心而又好香的生日蛋糕...
諗住果幾條草會變得更美~但...結果就係似係地下拾到一堆_ _仲夾雜多幾條草咁.....
好彩怪獸們的審美眼光一D都唔獨到~!(Save~!!)

------------------------------------------------------------------------------

友人整左呢杯唔記得左叫乜dirt 定係dirt乜的野俾我

好味~但好鬼甜....

比起果個, 我鐘意Vanilla coke多D~~香港好似冇得賣了.....

----------------------------------------------------------------------------------

係超市見到~!!!!Angry bird系列的for車車的香氣公仔~~
買左隻豬豬同紅鳥, 仲好想要埋其他~!!!!但友人極力阻止之下, 只好放棄....

佢都係唔想我咁敗家....
----------------------------------------------------------------------------

四月尾...正當senior project做到冇停手...忙到廁所都冇得去的時候,
冇啦啦話我有包裹...(?) 我又冇上網買野, 媽咪又冇話寄零食俾我.....邊個寄錯包裹呀....
心想我而家忙到想死, 你寄錯黎我係十世之後先得閒同你彈回郵件!!
一打開...下?! Tiffany & Co?!
係就係我的dream brand....但我一定冇買過, 友人又唔識名牌呢家野...仲唔係有人寄錯?!
打開...有張細卡....寫左我個名!!!!!!!!!(下?連名都一樣??)

原來冇寄錯!!真係俾我架!!!!我兩個"堂表姐"送俾我的畢業禮物!!!
本來senior project呢樣野, 真係做到想放棄....又好大壓力..有呢世都做唔完的野...
仲有一諗到要係演講室, 對住大人細路教授們都可以睇同問的project presentation.....
就有D暈暈地的感覺.....
但.....我一知道係俾自己的時候就超驚喜!!就係好似D人話, 打左強心針咁!!!當堂醒晒~~
自己同自己講..咁辛苦行到呢一步, 冇理由就放棄, 仲差一個presentation就可以畢業了~!!!
最後....當然順利畢業~~~哈哈~
--------------------------------------------------------------------------------
仲有.....Tiger的.....扮型~(嘔)

Tiggy::(帥~)

大雜燴

3月左右影的
原來, 學校都有D咁好的VIEW~真係好正~~!!!
空氣好都係我想留美國的原因~~

真係好靚架~!!!!不過....第二日就...

落雪!!超大雪....又凍....係咪癲架....
太凍的時候..我架車都唔會著....有次要搵人幫....天寒地凍咁係停車場搞左2個鐘...終於著到車....
冇計, 車舊了, 天氣凍了....車都唔想出街街, 唔返家...


近期的~

諗落都有成年冇入戲院睇戲喇~~~好開心呀~! ^^
兩小時的電影.....好彩3D對我黎講都OK...
都好好睇呀~見到預告, 黎緊有好多戲我都好想睇呀!!!!期待~~(心心)

TIGER.....近日成日屎面...
仲以為自己好鬼勁, 每日都同BUDDY打架...

柱男之作~
注:....BUDDY 係後面訓左係豆豆袋上....
自友人買左個豆豆袋for 張梳化之後, 每日早上都會見到豆豆袋係地下.....
放番好之後冇幾耐又發現係地下....
最後都係俾左貓貓...佢地仲用得多過我...
自始之後, buddy同tiger就每日都係個豆豆袋上nap nap....大訓除外
豆豆袋係邊, 就會搵到buddy...佢地真係好鐘意
之後買多個, 兩份分, 不過新豆豆袋就冇咁受歡迎, 果個舊的, 用到d豆豆都扁晒....都仲咁鐘意...
果然係好專一

佢好得意....><又肥左好多...又有好多毛...
又肯俾我影相~


TIGER~~擺多幾個POSE啦~~~
TIGER::唔制...你頭先影左我咁多相, 一D表示都冇....

好啦~~俾多次黎睇, 俾CAN CAN 你喇~



TIGER:: 算你啦~CAN CAN 呢??
.........未買.....(哈哈哈..講笑~如果真係冇的話, 佢嬲左我都似)

仲有...上年聖誕的..
個項圈有噹噹~~

佢地的用後感....唔好再放D咁吵的野落我地度呀!!!!!

一年之後...

睇番一年前打的日記...果陣時我仲係做緊intern...
而家..我已經畢業了~
畢業前我搵工, 好多都叫我畢業後再搵佢地
畢業後, 好多都話唔出work visa...

年尾就係我自己俾自己的deadline 了....
希望會揾到工, 講真, 我真係唔介意人工幾多, ot有幾多...
我都只希望有份工....冇green card 真係差好多
但美國的生活的確比香港的好...都唔明點解呢度d人仲成日埋怨自己老闆要求加班....
你睇下香港晚上d燈光咁靚...有冇諗過其實係d人加班到而家都仲未放工....仲怨?!

私人時間::
我, 冇去畢業旅行...d$$始終都唔係我的, 要去, 當然要用自己$$
畢業, 冇家人到場....但!!我明白的, 一直都係家人係背後默默支持!!.....零食當然都冇限咁支持~哈哈

兩年前, 未買自己車時, 冬天自己一個呆呆的等遲到半小時的巴士...咬住一個已經涷晒的芝士包....當時, 真係好想喊....(係...我覺得自己係溫室小花)
點解係fb見到係LA呀, Seattle果d朋友仔, 每星期都出去happy...又有靚車, 得閒又去下party....而我, 一星期7日都係做緊大大小小的project...體重試過得番90磅......
不過, 謝謝友人每星期都黎搵我...陪我, 但每當你要走的時候, 我又變得好空虛了..
最後的一年終於都搬了...唔再自己一個
兩隻貓貓俾人寵到肥肥白白...就黎唔認得我呢個主人喇....

未來目標::
有份工......
要請dad mom 都黎美國渡假~~要坐商務架!! 一連坐12小時經濟位, pat pat都變方形...我一定會儲夠$$!!你地一定要坐商務!!
我就會租(?)靚車周圍玩~~

向專業資格的工程師進發!!