一年之後...

睇番一年前打的日記...果陣時我仲係做緊intern...
而家..我已經畢業了~
畢業前我搵工, 好多都叫我畢業後再搵佢地
畢業後, 好多都話唔出work visa...

年尾就係我自己俾自己的deadline 了....
希望會揾到工, 講真, 我真係唔介意人工幾多, ot有幾多...
我都只希望有份工....冇green card 真係差好多
但美國的生活的確比香港的好...都唔明點解呢度d人仲成日埋怨自己老闆要求加班....
你睇下香港晚上d燈光咁靚...有冇諗過其實係d人加班到而家都仲未放工....仲怨?!

私人時間::
我, 冇去畢業旅行...d$$始終都唔係我的, 要去, 當然要用自己$$
畢業, 冇家人到場....但!!我明白的, 一直都係家人係背後默默支持!!.....零食當然都冇限咁支持~哈哈

兩年前, 未買自己車時, 冬天自己一個呆呆的等遲到半小時的巴士...咬住一個已經涷晒的芝士包....當時, 真係好想喊....(係...我覺得自己係溫室小花)
點解係fb見到係LA呀, Seattle果d朋友仔, 每星期都出去happy...又有靚車, 得閒又去下party....而我, 一星期7日都係做緊大大小小的project...體重試過得番90磅......
不過, 謝謝友人每星期都黎搵我...陪我, 但每當你要走的時候, 我又變得好空虛了..
最後的一年終於都搬了...唔再自己一個
兩隻貓貓俾人寵到肥肥白白...就黎唔認得我呢個主人喇....

未來目標::
有份工......
要請dad mom 都黎美國渡假~~要坐商務架!! 一連坐12小時經濟位, pat pat都變方形...我一定會儲夠$$!!你地一定要坐商務!!
我就會租(?)靚車周圍玩~~

向專業資格的工程師進發!!